حلوى المهينة من المطبخ الجزائري 2018

- [x] العجينة
القاعدة نتاعه هي 
حبة بيض +50غ مرغرين +مغرف كبيرة عسل +نصف كاس سكر +مغرف صغيرة بكربونات 
نحلها في الخل +فرينة حتى تنشف 
يعني كي نبغو ندوبلو لعبار نديرو كيما درت انا 3 في1 او ممكن اكثر 
3بيض+150مرغرين+3مغارف كبار عسل +كاس ونصف سكر +3مغارف صغار بكربونات 
نحلها في الخل +فرينة حساب متنشف

- [x] "]الكريمة[/I]

للعبر الصغير نتاع حبة بيض ندير
* كاس سكر+كاس حليب+مغرف ميزينة كبيرة+200غ مرغرين +لافاني
وانا العبر نتاع الكريمة اللي درته على حساب العجينة درت 
* 2كاس ونصف حليب+2كاس سكر+2مغارف كبار ونصف ميزينة+لفاني +300غ مرغرين 

- [x] [U]نبداو بالعجينة[/U]

* اولا ندير قدر معمر ماء يغلي لاني راح نطيب المكونات على حمام مائي
* نحط المقادير كالاتي البيض مضرب والمرغرين والعسل والسكر ونحل البيكربونات في مغرف خل راح يدير 
رغوة ونضيفه للمكونات ماعدا الفرينة ندير هدي المكونات في طاجين او كاسرونة ونحطها فوق
القدر ونحرك بمغرف نتاع لوح راح نلاحظ رغوة نقعد نخلط لانو لوكان نلهاو عليها البيض راح 
يطيب ويدير كتل لاااااازم نواصل التحراك حتى نشوفو لونهم تحول الى لون الكرامال وحتى 
الريحة تتبدل امممم ماتتقلقوش زيدو خلوها تطيب مليح واللون يزيد يعقد
* نوخر الطاجين من القدر ونحطه على جهة ونضيفله الفرينة مغربلة ونشوف حتى تتلم
* ماتيبسوهاش بزاف راح تحسو راح شوية تلصق وخلوها تبرد من بعد تولي سهلة الاستعمال 
* الخطوة التالية البلا اللي تطيب فيه لازم نديرو فيه طبقة نتاع فرينة
* نقسم العجينة الى كويرات لازم نرش طاولة العمل بالفرينة ونحل العجينة رقيقة لانو في الفور 
راح تنتفخ بفعل البيكربونات ونقطع العجينة على حساب البلا وهدوك لي شيت نعاود نلمهم 
نحط العجينة فوق الفرينة اللي في البلا وندخلها للفرن مسخن مسبقا مانغفلوش عليها
بلخف تطيب
* كي نخرجها نقلب البلا على وجهه فوق طرشون او قطعة قماش وبالبانسو ننظف الفرينة 
ونعاود نرجع هديك الفرينة للبلا ونعاودو نفس العملية مع باقي العجين 
* الطبقة الاولى وحتى البقية اللي نكونو طيبناهم مانلمسوهمش تكون طرية وتتقطع بعد 
دقايق تبرد وتقساح وتيبس عادي نقدر نلمسها 
* نديرو حسابنا نتاع طبقة نخلوها باش مع الاخير نطحنوها
* من جهة اخرى نكونو محضرين الكريمة ونضربو المرغرين حتى يولي لونه ابيض ونخلط 
الكريم باتيسير مع المرغرين 
* ندير الكريمة بين الطبقات ونطحن الطبقة اللي كنا طيبناها في الاخير وندردرها من الفوق 
* ندخلها ترتاح من الافضل ليلة كاملة وفي الغد تولي طرية وتقطع بسهولة 
وشهية طيبة 

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[/COLOR][/SIZE]

-----------------------------------------------