كيكة الكريم كراميل 2015

اولا نحضر كريمة الكرامل 
3 بيض 
كاس ماشي معر سكر 
فاني
كاس كبير حليب
نضربهم بالباتور مليح ونخليه على جانب

ثانيا نحضر الكراميل 
كاس كبير سكر ونخليه على نار هادية حتى يرجع كرامل اللون الي تحبي وكبيه فالقالب والي تحب تخدمها بشوية ماء نورمال انا نخدمها بلاماء

وثالثا الكيكة

2بيض
كاس ماشي معر سكر 
نص كاس حليب
نص كاس زيت
2 مغارف كاكاو
مغرف ص فاني 
كاس ونص فرينة 
باكي ونص خمارة القاطو
نحضر الكيكة بعد ما نوضع البيض الزيت السكر الحليب الفاني الكاكاو و فالاخير الفرينة والخمارة نتحصل على خليط 
نرجع للكرامل كنا حطينا الكرامل نزيدو نحط فوقو كريمة الكرامل وفوقو الخليط راح يحكم روحو منتخافيش تقولي بلاك كلشي تخلط لالالا وديريه يطيب على حمام ماءي مدة 50دقيقة نشعل من تحت لمدة 45 د ونبع نكما 10دقاءق من لفوق و كي تخرجيه سيدتي خليه يرتاح شوية ودخليه للفرجدار مدة ساعة وكي تقدميه اقلبيه في حاجة تكون عندها حواف باش الكراملمتخرجش على برا

-----------------------------------------------