صابلي البيضة 2015,حلوى البيضة سميرة tv

صابلي البيضة 2015,حلوى البيضة سميرة tv

المقادير:
250غ مرقرين بحرارة الغرفة
60غ سكر رطب
100غ نشا
بيضة+صفار بيضة
فاني
نصف م ص خميرة مانكثروش حتى الحلوى تحافظ على شكلها
فرينة
للحشو:
انا استعملت حلوة الترك ممكن نعمل نواد كوكومرحي ونلمه بالمعجون ونضيفله ملون اصفر حتى ياخذ لون مح البيضة.
الطلية:
سكر رطب من النوع الجيد انا استعملت المرجان
ماء معدني
ماء الزهر
عصير ليمونة
كمية من النيسكافيه مذوبة في الماء
ملون برتقالي
نحتاج ايضا الى
ملمع فضي
ورق الطهي لصنع عش البيضة
الطريقة:
نحضر عجينة الصابلي
نخلط المرقرين مع السكر بالخلاط ثم نضيف البيضة وصفار البيضة ونحرك ثم الخميرة والفاني والنشاء ونلم 


بالفرينة بلا مانعجن حتى نتحصل على عجينة متماسكة ماتكون طرية ماتكون يابسة هكذا
http://إضغط هنا لرؤية الصورة بحجمها الطبيعي.


نشكل كويرات من العجينة بحجم 30غ ولي حابة حجم صغير تعمل 25غ نحشيها بشوية من حلوة الترك نعاود نغلقها ونكورها
http://إضغط هنا لرؤية الصورة بحجمها الطبيعي.

لتشكيل هذا الحلوى يلزمنا هذا النوع من لي مول راه متوفر في السوق ولي ما عندهاش ممكن تعوضه بعلبة بيضة شكولة كيندر
http://إضغط هنا لرؤية الصورة بحجمها الطبيعي.


نحط داخله كيس بلاستيكي حتى يسهل نزع الحلوى بسهولة
http://إضغط هنا لرؤية الصورة بحجمها الطبيعي.

نحط الكويرات المحشية داخل المول ونضغط عليها حتى تاخذ شكل البيضة
http://إضغط هنا لرؤية الصورة بحجمها الطبيعي.نحطها في الصينية
http://إضغط هنا لرؤية الصورة بحجمها الطبيعي.

ندخلها للفرن تطيب على 180د وهذا شكلها بعد ماطابت
http://إضغط هنا لرؤية الصورة بحجمها الطبيعي.نخليها تبرد تماما من بعد نحضر الطلية
الان نقوم بتحضير الطلية
هذا المرة عملت الطلية بدون بياض بيض لان كيما سبق وخبرتكم ان هو لي يخليها تبس بالخف
في اناء نحط السكر الرطب يكون مغربل ونضيفلو ماء الزهر حتى نتحصل على عجينة نعجنها شوية باليد
http://إضغط هنا لرؤية الصورة بحجمها الطبيعي.


نضيف عليها عصير ليمونة ونحرك باليد
http://إضغط هنا لرؤية الصورة بحجمها الطبيعي.

نضيف شوية من الماء المعدني حتى نتوصل للقوام المناسب 
http://إضغط هنا لرؤية الصورة بحجمها الطبيعي.

بعدها نضيفلها كمية من النسكافيه المذابة في القليل من الماء وشوية ملون برتقالي حتى نتوصل للون المناسب للبيضة هكذا
http://إضغط هنا لرؤية الصورة بحجمها الطبيعي.في هذا النوع من الحلوى لي يذوب في الفم من الاحسن ناخذ مشبك ونحط داخل صينية نحط حبات الحلوى فوق المشبك ونهز الطلية بالملعقة ونحطها فوق الحلوى ونحرك المشبك حتى تهبط كمية الطلية الزائدة طبعا نعاود نستعملها مرة اخرى
http://إضغط هنا لرؤية الصورة بحجمها الطبيعي.

نترك الحلوى تنشف تماما من بعد نلمعها بالقليل من الملمع الفضي
حتى نزيد من جمالية الحلوى وتظهر وكانها بيضة حقيقية نعملها اعشاش
ناخذ ورق الطهي ونفوته في الماشينة في جهة الرشتة هكذاhttp://إضغط هنا لرؤية الصورة بحجمها الطبيعي.

نحط الحلوى في ليكيسات ناخذ كمية من الورق لي حضرنا نلفه حول نفسه من بعد نحط ساير داير على البيضة ونقدمها بالصحة والهناء
http://إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

-----------------------------------------------