سويس رول اقتصادي و رائع من مطبخي,سويس رول اقتصادي 2015

المقادير
2 بيضات مفصولين
كاس صغير ماء مغلي
كاس صغير نشا
كاس صغير دقيق
كاس سكر سنيدة
فاني معلقة صغير قهوة
معلقة كاكاو (ممكن تعوضية بشكلاط مدوب فالماء لمغلي)
معلقة ون صغير خميرة لحلوى

الطريقة

نضربو بياض البيض مع شوي ملح حتى يطلع ونضيفلو السكر كامل مع الخلط حتى يولي مورينج

نخلط اصفر البيض مزيان نوجدو الماء نديرو معاه القهوة والشكلاط ونزيدوه على الأصفر مع الخلط المستمر نزيد النشا والدقيق ونخلط

دبا نزيدو الخليط على المورينج ونمزجهم شوي بالمعلقة ونوجدو الصينية نصب الخليط ونسرحه بسباتيلا شي سنتيم تقريبا

الفرن انا من كنبدي الشغل كنشعلو يسخن مزيان نحشي الكيك ونخليه واحد 30 تانية ونقص الفرن راه دغيا الطيب واحد 5 دقاءق طلي عليها مخصش تحماااااااار عير تنشف وطيب من تطفي الفرن خليها فيه شوي حتى تبرد عاد خرجيها إليكم الصوررررررررررررر

هاهي من خرجت من الفرن ملحوضة راه من كطفي الفرن كتقلص بحال الجنواز عادي